[2001-01-20] 睇「大哥」的戲過癮

　農曆年又到，賀歲片出籠，成龍大哥的《特務迷城》率先上映，大哥一年一度的力作，小新和釵hfans一定去捧場，雖然有人說大哥的戲橋段差不多，但總相信不同女主角，不同導演，不同時段，不同背景拍的都有不同的效果，何況今次大哥橫越幾個城市，土耳其、韓國等睇景已吸引了，坦白講畀五十元睇大哥的戲比睇那些暴力三級片、噱頭片抵好多。

　別以為小新收了錢幫他宣傳，小新都是自己畀錢買飛的，只是很欣賞大哥對電影的拚搏精神，他亦對身邊朋友講趁住這幾年仍可以搏，會多拍幾部，遲幾年可能就轉戰幕後，所以點可以不睇？前幾日大哥由美國飛一日回來宣傳《特》片，他謂因美國那邊《火拼時速2》進度遲了影響了回港檔期，他一走美國那邊會損失大！他寧願辛苦自己去遷就導演，這就是專業好演員；比起那些為小小意氣之爭就同導演鬥氣的「哥哥仔」真差得遠，因大哥明白，只要對套戲好是對自己好，對全部製作人有利，其他不再重要，其實他咁奔波也很辛苦的，但他知有今日得來不易，要屹立不倒就要付出。

　對於今次電影票房如何，大哥話盡了力了，其他控制不來，睇聖誕節觀眾睇戲意慾高漲，相信新年不會太差的，還有鄭秀文、梅姐的《鍾無艷》，小新都睇好，因為有《審死官》的紀錄，梅姐演的喜劇不會令人失望，賀歲片總算有兩大選擇。

•小新•