[2001-08-15] 華仔邀來神秘嘉賓
華仔今年個唱為了搞得有聲有色，不單會於紅館放火、放水，據知還邀請一位極之神秘嘉賓，由於不想太早被曝光，所以一直保守秘密，不過最近記者收到消息，這位嘉賓日前已經來港，日內更會開始與華仔綵排。
據悉華仔今次是邀請了一位來自荷里活的神秘巨星級嘉賓，每晚客串幫忙演出「原始森林」之環節，傳華仔是用重金（達七位數字）誠意邀請他來香港幫忙，單是機票食宿也用了近六位數字，並幫他投保七位數字保險！
昨日記者致電華仔，問及他個唱此事？華仔依然不肯透露，笑著回應，「冇呀，冇咩特別話叫咩朋友上來做嘉賓，我年年都係邊個𨪛睇，邊個鍾意就一齊上台玩。」到記者直指收到消息，他邀請了一名荷里活巨星參加演出，華仔有少許愕然，反問記者，「邊個話你知劵？」繼而才肯承認他的確邀請了神祕嘉賓幫忙，不過暫時未想向外透露。問到華仔，聽聞邀請這位巨星，是透過不少途徑才達到目的，並且單是支付其行程費用不菲，華仔道，「係呀，真係誠意同朋友幫手先邀請到佢，錢用咗幾多唔好講啦，但係我覺得係物有所值！」(唔怕畀個巨星搶咗你鏡呀？)「唔怕，哈哈，歌迷係𨪛睇我，不過多個朋友幫手，大家高興冲，又多D嘢睇咁啦。我同佢都會一樣咁搶鏡。佢係幫我手做「原始森林」個一部分，會唔會唱歌？哈哈，到時大家就知。係咪泰山？哈哈……唔好問我啦，到時睇啦，總之保證一定精彩啦。」
|
