[2001-08-16] 東東「胸襲」小豬女 放大圖片
東東向女小豬「胸襲」。
陳曉東昨日與兩隻小豬PORK CHOP一同參加聯合國兒童基金會的《齊心獻愛寫未來》宣傳活動，竟然胸襲女小豬，十分搞笑。
昨日記者所見，扮PORK CHOP兩隻小豬分別是一男一女，想不到東東這個大頭蝦卻不知道女小豬是由女仔扮，在打手印活動上，打過手印後，東東一手白色顏料，記者叫他不如印在T-SHIRT上，他卻以為記者叫他再印多個手印在小豬穿的T-SHIRT上，於是順手便捉著旁邊的女小豬PIGGY，用力在女小豬胸上，印下手掌印。
事後記者告訴東東，他剛才「胸襲」女豬，東東才大叫，「冲？女仔扮？我唔知呀，又係你哋叫印落去，你哋邊個害我呀！我點知佢係女仔扮喎，我知我就唔會印啦！印落去有咩感覺？冇呀，軟綿綿、毛毛咁囉！大佬呀，豬公仔衫咁厚咁大件，點會印到落真身到！」
剛由外地工作回港的東東，對於近日英皇唱片公司所發生的事，不過略有所聞，並不清楚，他謂與祖兒合作過拍電影，所以也關心對方情況如何，更主動問記者，「佢點呀？冇嘢呀？我不過想慰問冲，唔係八卦，我冇佢電話，大家同我問候一聲囉。
最近真係好多事發生咩？聽到陳東師父去世，我都好難過，我刦商台跟過佢學煮菜呀，佢個人好好。」
|
