[2001-08-19] 華仔辣身舞逼爆褲襠 放大圖片
劉德華騎恐龍出場，歌迷十分興奮。
劉德華「夏日fiesta演唱會」前晚展開，四千萬大製作，簡直包羅萬有，令觀眾目不暇給，繼有侏羅紀公園巨龍、飛天大舞台、煙花、全港獨一無二百萬法拉利、龍袍、製造下雨場景二分鐘，超速驚人變身「肥仔」，令全場觀眾拍爛手掌，不過最意想不到是壓軸的拉丁舞，華仔演出過分投入，竟然「勁爆巨浪」震撼紅館，令全場氣氛推向高潮。
華仔與性感拉丁舞后黃蕊大跳辣身拉丁舞，面貼面，身貼身，想不到熱力爆棚「迫爆褲浪」，專業精神的華仔，處劣境臨危不亂，繼續全情投入演出所有舞蹈，令全場萬多觀眾，幾乎大半場觀眾站起來為他的專業精神鼓掌、喝彩！
知道自己爆褲浪後，華仔跳完頭一部分舞後，先是坐於台邊，鬼馬地偷偷摸一摸褲浪，再大方企起身，然後向大家笑道，「點呀？未見過人跳舞跳到爆呔呀？哈哈。」而台下觀眾就一直不停拍掌鼓勵，歌迷就肉緊大叫，華仔再自我幽默，笑道，「真係估唔到今晚爆呔係我嘅特備節目！哈哈！喂，搵人同我埾條巾上來，好嗎？」接著工作人員為他拿了一件西裝外套上台更換，音樂響起，他又再全力以赴與性感拉丁舞后勁歌熱舞，可是拉丁舞太多大動作，西裝依然擋不住他的「勁爆」，華仔依然堅持完成所有舞蹈，才向觀眾道：「我可唔可以換條褲再上來唱？」全場觀眾馬上大叫「好，唔介意！」及以掌聲回應，可是由於演唱會節奏緊迫，華仔工作人員只有拿了條白色圍巾給他，圍著「爆呔」位置，又得再戰舞台。
前晚華仔請來陳慧琳為他做嘉賓，華仔拖著Kelly唱歌，再幽一默，「今晚真係同個爆字有緣，我本來想推個浴缸出來，不過上次我同佢兩個已經迫爆咗，冇計啦，哈哈。」
個唱後，記者大讚華仔有專業精神，華仔笑道：「我自己都估唔到會爆成呎咁勁呀！不過無論點，我都覺得不能影響演出，所以堅持到底。條拉丁舞褲係好窄，所以意外真係想唔到，得啦，大家放心，我第晚開始，搵條原子褲上台，包冇走失！哈哈！」
|
