[2001-08-20] 曾志偉避談新聞話題 放大圖片
曾志偉昨日出現大庭廣眾，到美食博覽會義賣月餅。
曾志偉昨於美食博覽會上出現，亦是他於容祖兒、楊受成被捕後首度在公開場合曝光。
志偉昨日是為明星足球義賣月餅，目標籌十萬元連同前日的賣旗籌款所得約八十萬，一併會撥捐明星足球隊的扶老基金。
昨日的義賣活動，除志偉外還有錢嘉樂、林曉峰、韓君婷、麥家琪、森森等均參與義賣，但仍以志偉最多人幫襯，志偉簽名簽到手軟。記者亦只能穿插在人群中訪問志偉。
記：最近有冇睇新聞？
曾：唔得閒，我做緊善事呀！（帶笑）
記：你可以出現刦有咁多人嘅地方？
曾：做善事，冇所謂。
記：有冇問候過梁思浩？
曾：托人問候過，我唔方便直接搵佢。
記：楊受成畀人拉咗？
曾：唔好阻住我做善事啦！
記：楊生依家去咗台灣？
曾：（笑住搖頭）唔講呢凉嘢！
記：今日有冇保鏢保護？
曾：（再笑住搖頭）。
記：警方有冇再搵過你？
曾：我係想講做善事嘅嘢！
記：但有指今次係東方魅力同英皇暗鬥？
曾：唔講！
記：依家心情係開心定困擾？
曾：咩呀，講咩呀！
記：好似「獎門人」個騷要蝕錢？
曾：未做完未知！
記：咁會唔會完成手上嘅工作之後，學人去避靜？
曾：（點頭笑）好衰劵！
其實志偉全程對記者的提問不願多答，但仍一直保持笑容。而他下午義賣完月餅，於傍晚六時又返到演藝學院，繼續演出舞台劇。
|
