[2001-08-21] 阿倫抽水捽肚腩 放大圖片
阿倫向肥華仔抽水。
劉德華個唱前晚請來譚詠麟任嘉賓，阿倫上台，竟然對華仔又攬又錫！又抽水！令歌迷嘩嘩狂叫！
阿倫上台，見到肥佬扮相的華仔，馬上忍不住大叫，「嘩！我睇你咁多套戲，肥人𦬓套就最有福氣，一路睇已經一路好想攬住你，喂，畀我攬下先！真係好得意，錫多啖！」繼而大啖嘴落華仔肥面之上，十分搞笑。
繼而阿倫開始其永無止境的話當年，最抵死就是每讚華仔一次，其實都是順便讚自己，一輪訓話下來，說了過十次「真係同我一樣！似我似到十足！見到你就諗起自己！」不單在場觀眾大笑，歌迷更發出噓聲指阿倫認叻，連華仔也忍不住成個暈了在地上。訓話後，阿倫又再忍不住伸手摸華仔肥身，說「喂，真係忍唔住，想捽下你個肥肚腩！」繼而落手勁捽華仔肚腩，捽得好興奮，可是捽捽下，華仔忽然低頭望一望自己肥身，向阿倫道，「喂，你好似唔係捽緊我肚腩喎！」阿倫聞言，放手都放唔切，尷尬狂笑，「係咩？哈哈哈……係喎，呢度係你私人地方，死啦，唔掂得喎！哈哈！」引來全場爆笑！
拉丁舞后黃蕊，每晚都是自備私伙上場為華仔演出，想不到其私伙舞衣，愈出愈勁，昨晚兩件舞衣，火紅及白色都是大露背，從後面看幾乎似赤裸上身，並且真空上陣，且舞步、投入感情都極度狂野，不時更露出紅、白底，華仔亦被她帶動下，跳得更為投入，一輪狂野之戰後，華仔更與她在台上相擁，舉起手指大讚SHIRLEY「勁」！全場觀眾都報以熱烈掌聲！
另劉德華的書法在圈中出了名好，是以昨日在「金利來中國文化盃命名儀式」暨新聞發佈會上，以中華文化大使的身份，即席為「中國文化達標工程」題了「中華文化通達天下」八個字。前晚才演出完演唱會的華仔，雖然素有鐵人的稱號，但在睡眠不足的情況下，仍難掩一臉倦容，因此做完儀式後，華仔並沒有留低接受訪問便離開，為晚上的演唱會作好準備。
|
