[2001-08-28] 任達華演活神經質殺手

　任達華在《全職殺手》中扮演的神經質殺手得好評，前晚華仔出席慶功宴，表示角色是參考「廣播道台長」（智障人士）的。

　當年華仔在無線已認識「台長」，但近年已冇再見過他，他聽聞他已過身。華仔表示，一直都用「台長」的神態去演戲，而他又發覺有精神問題的人，好多時會突然癡呆十分鐘。

　慶功宴上華仔還跟記者打台灣牌，結果輸了五百元，之後食過幾道菜便趕返屋企陪老婆，因為昨日他又要到山西做模特兒大賽的評判。華仔已先後為十個省的模特兒大賽擔任評判，見盡內地不少靚女。

　日前在港舉行的「Kiss Hong Kong」，華仔也有前往捧場，向來對衣著有獨特品味的他，大彈個騷好悶之餘，演出的服裝又唔夠實用，又唔夠國際化，只適合韓國人，唯手工及用料就好靚。