[2001-08-28] 華仔暑期兩片票房6500萬
劉德華開演唱會，好朋友朱麗倩又怎會不來捧場？前晚朱小姐與家人就一起來捧場，站於紅館售票處門外等朋友，結果引來記者追訪，最後無奈地連個唱也沒有看，便乘的士離去。
華仔前晚做過演唱會後，於半島酒店為《全職殺手》過二千五百萬票房舉行慶功宴，筵開十二席，每圍一萬元，埋單近二十萬，席間記者問到華仔，演唱會來了個特別嘉賓，華仔笑道：「咩特別嘉賓？你地唔好理我啦，全個紅館，十五晚，晚晚裏面的一萬二千個觀眾，都係我的特別嘉賓！」
慶功宴上，林熙蕾、任達華、應彩兒、杜琪峰均有出席，應彩兒更抽獎抽到三千蚊現金，開心得不得了，而林熙蕾就想上台領獎，最後給華仔踢番落台，指她不應與其他工作人員爭，因為他們還可以拍更多好戲，有排賺錢！
今年暑期檔，單是兩部電影華仔就獲六千五百萬票房，成績驕人，不過華仔並沒有驕傲，祝過酒後表示，希望再接再厲，拍多一些好電影。做過演唱會後，第一部會開拍的是《PC927》，一個警察故事，與舒淇合作，更下令舒淇一定要講純正廣東話，舒淇為此已經埋頭努力日練夜練廣東話，以免NG太多，浪費他們菲林。
前晚華仔個唱就請來任賢齊及小黑任特別嘉賓，小黑更十分搞笑，上台大讚華仔跳拉丁舞勁，要跳拉丁舞。華仔說晚晚都是嘉賓跳上他手臂之上，想試一試自己變「蝦米」的滋味，最後跳上小黑手臂之上，全場喝釆，一百四十二磅的華仔跳上去後，小黑支持不到三秒鐘便把華仔拋到地上，華仔爬起來笑罵小黑，「你咁劵，你將人掉落地劵你！」引來全場哈哈大笑，而小齊最後也不甘寂寞，要一試變蝦米滋味，不過小齊一百六十磅重，小黑實在支持不住，最後要出動兩隻手來捧起他。
|
