[2001-09-03] 陶安仁沒工開

　前日是農曆七月十四日，也是盂蘭節，電影公司特別安排日本恐怖片《惹鬼回路》在當晚舉行首映，然而出席的藝人卻不多，只得陶安仁、雷宇揚、毛舜筠夫婦及楊堅庭夫婦等。電影公司宣傳人員承認邀請藝人出席首映禮時，大都表示怕睇鬼片而拒絕。

　陶安仁前晚真空上陣去睇首映，問到她不怕父親罵嗎？安仁指已慣了被父親罵，只是老人家古板。跟羅傑承簽了四年經理人合約，至今已過了年多，安仁仍未有工作，相比之下同公司的小雪及B2就明顯好得多，問到她可覺得公司偏心？安仁自言唔覺得公司偏心，同時亦相信命運，加上父親又唔准她拍脫戲及親熱戲，雖然冇工作但也不想解約。

　冇工開即是冇糧出，安仁坦言唯有做伸手牌，問父親攞錢用。有權利必有義務，稍後她就會為父親的中藥減肥茶拍廣告，現時她只得一百零三磅，希望再減多三磅，故此每晚都會飲一劑中藥以助減肥及排毒。