[2001-09-04] 花花絮絮：詠心為老倌包雲吞 放大圖片
舞台下彭哥和阿丁私交甚篤。
大姐
龍哥（李龍）呢頭去完三藩市返𨪛，𦬓頭即刻為月底嘅演出忙到䊵䊵轉，梗係唔可以怠慢啦，呢次刦新界各會堂演出嘅係新編劇目《錦毛鼠》，除咗以「機關布景重現舞台」作招徠之外，仲係好大堆頭嘅陣容，總共有九個響噹噹嘅大老倌參加演出，頻頻排戲、講戲。𦬓日刦班主杜太屋企講戲，杜太個女即係龍哥嘅徒弟仔詠心放緊暑假，唔駛返學，佢就覺得特別興奮。詠心小妹妹𠎀𠎀自己擔綱演完《哪吒大鬧東海》，對於戲班就有種親切感，不過今次大人講戲又唔關佢事，甚至唔准佢出𨪛客廳搞搞震，但係佢點都唔可以靜雞雞匿埋刦房，於是佢同埋個家姊就齊齊走咗入廚房，直到下晝四點鐘，兩個小朋友就興高釆烈捧住一碗又一碗嘅菜肉雲吞出𨪛，畀大家作下午茶之用。原來詠心兩姊妹忙咗成個下晝，就係包咗幾十隻雲吞畀凉叔叔同姨姨醫肚，只有八歲嘅詠心咁乖，咁生性，唔怪得之師父龍哥錫到佢𨚫啦！
「春暉」租三日戲院日夜響排
講起排戲，蓋鳴暉、吳美英輪流做正印花旦拍阮兆輝𦬓台「春暉」就真係綵排得好犀利，之前刦八和學院已經分組排咗幾日，擒日開始一共三日就租咗新光戲院，每日分日夜班，每班四個鐘頭𨪛響排，唔單只台柱、音樂師傅全部到齊，連梅香、下欄演員、武師全體工作人員亦都齊齊報到，呢台十日十二場，到而家為止已經滿咗六場，班主鄧拱璧話：「刦現時呢個市道，觀眾都咁捧場，我哋一定要精益求精，務求刦每一方面，每一齣戲都做到最好，先至算對觀眾有所交待。」賣座好花多凉錢做足準備工夫好應該嘅，阿芬（蓋鳴暉）第一次又係最後一次以花旦身份擔班，梗係好緊張，一定要排到滾瓜爛熟先至出台啦，而美英姐擔嘅五齣戲，其中四齣《白龍關》、《劉金定斬四門》、《白蛇傳》、《英雄掌上野荼薇》都有大開打嘅場面，美英姐以推出「嫁粧戲」作招徠，唔失禮得劵，咁又點可以唔排完一次又一次呢？
彭哥做完專場雙腳抽筋
上個禮拜，澳門嘅「鳳聲粵劇曲藝促進會」同「澳門群聲曲藝社」聯合主辦咗四晚《名伶名劇欣賞晚會》，其中一晚係《彭熾權粵劇藝術表演專場》，香港唔少老倌都專登搭船過去捧場，文千歲、梁少芯、龍貫天、尹飛燕、羅家寶……亦都有份參與第二晚嘅演唱。呢一次都算係澳門梨園近年最熱鬧嘅盛事。彭哥專場𦬓晚，唔駛問都落力演出，只見佢推出完一齣又一齣嘅重頭折子戲，如《打金枝》、《樓台會》、《平貴別窯》、《選女婿》等，又文又武，又唱又做，剩係趕場已趕到佢氣咳，唔怪得之佢一做完晒，除咗對高靴就即刻兩隻腳齊齊抽筋。壓軸一晚嘅演出係「廣東粵劇院一團」演出內地著名編劇家陳冠卿新編嘅《洛神》，呢個版本同香港觀眾睇慣嘅版本完全唔同。「一團」嘅當家文武生丁凡梗係飾演曹植，而彭哥就客串曹丕一角。彭哥雖然至今仍屬「佛山青年粵劇團」，但係佢好多時都借「一團」嘅班底獨立接班，所以私底下佢同「一團」嘅關係非常好，同丁凡更稱兄道弟，私交甚篤。出年三月廿三嘅天后誕，彭哥會重臨澳門演出，佢已經接咗媽閣廟賀誕𦬓台戲，屆時佢會推出師父新馬師曾嘅多齣名劇，如《鳳燭燒殘淚未乾》、《胡不歸》、《刁蠻公主戇駙馬》等，相信彭哥嘅擁躉到時到候都會渡江去捧場哩！
|
