[2001-09-11] 鄭秀文考主持出手低 放大圖片
鄭秀文邀陳啟泰合唱。
鄭秀文(Sammi)是無線歌手，卻竟然找來亞視《百萬富翁》主持陳啟泰做表演嘉賓，認真令人奇怪，原來兩人早已認識，不但一同拍攝過旅遊特輯，阿ken(陳啟泰)更為她的mtv擔任過男主角。
前晚是鄭秀文介紹當晚的特別嘉賓時，現場響起《百萬富翁》的開場音樂，鄭秀文隨即笑道：「唔使用錦囊大家都知係邊個啦。」繼而西裝筆挺的阿Ken說：「上個星期接到Sammi的電話叫我上來，我即刻話好，以為佢叫我上來玩《百萬富翁》，點知原來係叫我唱歌，真係有凉驚驚地，老婆又有嘢做唔可以一齊來。」鄭秀文鬼馬道：「平時我都好支持你個節目，今晚我想考下你，輪到我做主持學你在節目中飲水和整冲西裝先，哈哈！」繼而問阿Ken她的真名是什麼？阿Ken隨即反問Sammi有冇獎金？Sammi笑稱有，十蚊喇！阿Ken叫道：「出手咁低呀！」Sammi：「係呀，最多都係一百蚊咋，哈哈。我俾四個答案你選擇，a係鄭秀文、b係鄭艷麗、c係鄭慧文、d係鄭裕玲，其實第四個答案係明送給你，大家都知一定唔會係呢個答案。」阿Ken聲稱要用錦囊，他笑道：「我識咗你十幾年，睇住你參加音樂比賽，當年你仲係得十幾歲肥妹仔一名……，我諗要用錦囊，但係我又冇帶電話，不如搵現場觀眾幫手喇！」全場觀眾又為之哄動起來。遊戲過後，原本應該到阿Ken和Sammi合唱，豈料阿Ken仍未玩夠，笑稱：「真係要唱歌？我好緊張呀，話晒係首次踏足紅館，可唔可以畀我行冲，有冇人想同我握手？你話你唔鍾意睇《一筆out消》？」
|
