[2001-09-11] 安仔：有無搞錯
許志安為好友鄭秀文（Sammi）演唱會擔任第一晚嘉賓，二人並且合唱《會過去的》一曲，似是憑歌寄意，暗示兩人的情侶關係已告一段落。不過，昨日安仔接受記者訪問時，表示會再去欣賞Sammi的演唱會，又否認是憑歌寄意，當問到是否老友們為他做媒人，介紹新女仔他認識時，安仔反應頗大地說：「有無搞錯」，令人揣測他與秀文這段情有了轉機，欲斷難斷。
每次談到他與Sammi的感情事，安仔必定大耍太極，不會有肯定答案，安仔表示上次做完嘉賓之後便離開紅館，並未留下來欣賞，因為遲些會去睇，但未知幾時，因本月十四號會在新加坡開騷，問他幾時回港，安仔故作神秘說不知道，Sammi有說他可以趕回來欣賞十八號加開的一場，安仔便順口說：「好呀，好睇會睇多場。」
近日安仔與Sammi分手、復合之說反反覆覆，究竟真實版是什麼？安仔謂：「唔講。」（合唱《會過去的》有何用意？）「首歌流行嘛。」（做嘉賓當日，為何與Sammi顯得格外生疏？）「費事益你哋（記者）囉，以前做嘉賓都係咁，你哋唔留意啫。」（Sammi接受電台訪問時表示安仔今次上𨪛演唱會，令歌迷放心好多。）「唔使喇，好核突呀，放乜鬼心。」
有報道指安仔身邊的朋友積極為他做媒，安仔斥說：「有無搞錯，邊個作者寫劵。」（咁你係咪積極搵女友或是不用介紹？）「有無搞錯，一概不答，觀眾鍾意點諗就點諗，唔關我事，大家聽我唱歌喇。」（咁係咪憑歌寄意？）「黐線，𦬓首係好流行嘅合唱歌，有時真係好煩，我只係唱出時下所有不同的感情，並非每樣都關我事，我感情邊有咁豐富，這起碼要幾十年拍拖經驗先可以，所以唔係首首歌都講緊我，無咁複雜。」
（目前的心境可以用哪一首歌代替？）「無一首可以形容。」（即是說空白一片？）「我唔會答，總之感情事不要再問，放過我喇。」
|
