[2001-10-14] 甄妮個唱自數三宗罪 放大圖片
甄妮的歌衫性感非常。
甄妮前晚於紅館展開其四場演唱會，男友來捧場外，亡夫傅聲父母亦有到場，十四歲的MELODY前晚首度在舞台上演出，起初有點怯場而亂了舞步及甩嘴，而兩母女繞觀眾席握手時，當甄妮見到已故丈夫傅聲的父親張人龍與太太也捧場時即叫MELODY嗌：「叫公公啦！」語調更有點哽咽。
演唱會上甄妮性感衣服當然不會少，身上的行頭鑽飾亦相當耀眼，努力推脂減了十五磅，胸前偉大依然未減，私伙鑽飾究竟值多少錢，甄妮無論如何也不允透露，至於靚衫，白色生日蛋糕的長裙，價值十萬，最貴是皮草，是皮草公司贊助，並要由她親自簽紙領取，如有損則要自行購下，所以主辦單位贊助她五十萬置裝費，她都不夠用，要再倒貼。
演唱會台上，甄妮當然不乏妙語連珠，見到林建名有來睇騷，行到他面前打招呼，更幽默笑道：「都係唔好行咁埋，會有緋聞劵！」繼而她又數自己的「三宗罪」：「好多人驚我鬧，以為我癲，我只不過講道理，有凉人又好怕刦我身邊，因為我太靚，其實平日我打扮，全身加埋都冇一百蚊，又有人嫌我講說話大聲，我天生巨肺要好好利用來唱歌畀大家聽。」另外，又窒政府：「聽講香港減差餉每年減二千咁多，如果我下年再開演唱會，記得用來買飛捧我場呀！」
老拍檔羅文未有出席做嘉賓，她選唱了羅文的名曲《錦繡前程》時說，「呢首歌係送畀羅記，羅記冇𨪛，我係唔會唱我哋合唱歌，所以呢凉歌對我𨪛講已係絕版，因為羅記係我嘅最佳拍檔！我亦祝福佢快凉好，身體健康，再同我一齊唱幾首勁歌！」
前晚首場演唱會，捧場的圈中人未算太多，至於之前與她和好的兩位後輩張柏芝及陳奕迅曾表示會來捧場，但都不見影，不過柏芝就送了花牌，寫上：「有你有我，掌聲再起」，事後甄妮說：「柏芝問我攞咗兩張門票，但又冇𨪛呀！可能佢忙啦，其實歌手又要拍戲係好難兩者兼顧嘅，佢咁靚女全力拍戲最好啦，唱歌係要練聲，咁忙又點有時間練？（你有冇同柏芝講過不如選其一？）等第二日出𨪛飲茶先啦，最近好忙！」
|
