[2001-10-30] 花花絮絮
文千歲為小朋友修改曲詞
邊個話淨係公公婆婆先至鍾意睇大戲？呢個實在係大錯特錯嘅概念。呢個年代其實都唔知有幾多後生仔後生女鍾意「金查篤錚」。嗱，前𦬓排就有小朋友擔班嘅《哪吒鬧東海》，最近各大老倌又頻頻刦高山劇場向中小學生示範講解粵劇，就算私人學院都有唔少小朋友報名學戲，好似文千歲同梁少芯嘅學院就有好多細佬哥定期嚟學唱、學做。華哥（文之暱稱）同芯姐唔單只好似教大人咁好好心機去教呢班小朋友，華哥仲每次花好多時間去備課。咦，以華哥嘅資歷，教小朋友都要備課？呃人咩！原來華哥教佢哋唱「邦王」之時，都由頭填過晒凉曲詞，華哥認為小小年紀唱凉談情說愛嘅情歌唔適合，寧願用多凉心機去寫過凉𠎀細佬哥唱嘅有教育性，或勵志歌詞，言之有物，小朋友唱起嚟又明白自己唱緊乜嘢，咁樣唔只可以培育到佢哋唱曲嘅技巧同興趣，對佢哋將來成長後待人處事亦有正面嘅影響，正係一舉兩得，華哥都算苦心咯。
「一嫂」一號出殯
𠎀𠎀聽到一嫂（陳錦棠夫人）病逝嘅消息，一嫂已經過九十歲，呢幾年身體都唔係幾好，徒弟蘇少棠都成日從西雅圖飛返嚟侍候佢，棠哥同師弟旭哥（龍貫天）呢幾日當然好頻撲為一嫂辦理後事，定咗三十一號晚刦寶福山坐夜，一號出殯。一嫂之過身令大姐想番起一叔陳錦棠。大姐家人係一叔嘅捧場客，當年每當佢刦高陞、中央演出都必預訂每晚一行大堂前，大姐跟住姨媽姑爹去睇戲，又上後台探班，一叔仲抱住當年只有四五歲嘅大姐坐刦佢大髀上嚟上粧，不過對呢位大老倌最深印象卻係佢晚年幫林家聲做小生嘅一次演出。
「武狀元」絕技驚四座
先講陳錦棠有「武狀元」之稱，一早已紅透半邊天，點解會幫後輩林家聲呢？原來一叔認咗揸爺（薛覺先）做「義父」（唔係「誼父」）可想兩人感情之深厚，聲哥係揸爺嘅徒弟，所以當聲哥𠎀𠎀上位做文武生，一叔先至會唔計較咁多落番嚟做小生幫個師弟。
話說𦬓次佢哋刦東樂戲院上演《近水樓台先得月》，劇情需要，一叔表現咗一下「高檯飛椅」，即是坐住張椅刦高檯上連椅帶人飛落台口，落到台口，人仍然坐刦張椅上面。當年一叔呢一招絕技驚四座，雖然只係短短幾秒鐘已令全院震撼。大姐睇大戲幾十年，亦都係只欣賞過一次，所以至今仍歷歷在目。而家呢一項絕技已經失傳，冇人再練，除咗檯椅嘅木料難搵到𠎀用之外，亦都係實在太危險，因為一旦出錯，勾住張椅飛落嚟，𦬓隻腳就會斷劵！
陳詠儀暫停𠍇弗行動
好耐冇見過陳詠儀，𦬓日演唱會見到佢，發現佢明顯瘦咗又靚咗。原來詠儀冇節食，只不過好勤力去健身。自從兩個月前去上海玩完、大食完返嚟後，詠儀就加入咗尖沙咀一間健身院做會員，佢日日風雨不改去做器械操一個鐘頭，踩單車、緩步跑……各式各樣，款款做齊，然後又請私人導師，教佢一個鐘頭嘅健康舞，咁樣操法，唔怪得知「弗」到漏油啦。不過詠儀話由呢個禮拜開始，佢嘅𠍇弗行動就要被迫暫停，因為二號（禮拜五）佢就會拍行哥（羅家英）刦石澳開鑼演神功戲，呢次係佢第一次同行哥合作，心情都咪話唔緊張，做完呢五日神功戲後，佢又要客串鳳姐（南鳳）嘅《四大美人》演出，刦《西施》一劇飾演鄭旦，詠儀貪靚，一早就請專人為鄭旦呢個角色設計咗新戲服，劇中又需要佢跳一幕中國舞，佢已經開始咗同老師學舞兼排舞，雖然鄭旦唔係正主角，但係詠儀依然會做足準備功夫，以最佳狀態去做到最好。
•大姐•
|
