[2001-11-03] 鄭秀文：不食這隻死貓
謝霆鋒和王菲傳出分手，鄭秀文被指介入做第三者，目前霆鋒、王菲都分別在日本及台灣工作，所以未能找到當事人作回應，連日來都到醫院陪父親的鄭秀文，對於這次傳聞，自言是不會食這隻死貓的。
霆鋒的經理人認為這些不是事實的報道，他們拒絕回應，而且又沒有真憑實據，所以更不值得去提。昨日許志安出席公開活動，當問到好朋友鄭秀文的傳聞時，他笑笑口說：「如果我答的話，我仲叫許志安咩，真係沒好氣。」說到會否感到秀文很委屈，他謂：「佢畢『嬲』都畀人屈，唔講啦。」問他會否再去醫院探望鄭世伯？他沒有正面回答，反為秀文說好話道：「秀文真係好孝順。」（咁世伯有冇催你哋早日拉埋天窗？）「我走啦！走啦！」便匆匆離開。
繼而記者向其好友康仔（蘇永康）查詢知否有關報道，康仔聞言笑道：「唔好搞呢D嘢，個世界已經好亂啦！如果我去答，我哋咪中計，總之秀文係好女仔。」談到報道指秀文經常夜訪霆鋒，安仔要默默忍受，康仔笑道：「我會將呢個題材交畀無線，希望趕及台慶劇播出，我都成日買消夜請陳慧珊食，大家唔好咁眼淺，總之我哋大家，包括安仔、秀文都係好朋友，安仔同霆鋒亦冇芥蒂。請大家不要作無謂的揣測。」
|
