[2001-11-09] 黎明為求氣氛蝕場租 放大圖片
黎明聖誕期間開個唱。
黎明（Leon）演唱會《Leon Live Is Live》由十二月十四至十六日，二十一日至二十五日舉行，昨日的記者會於新世界停車場舉行，先是用一部泥頭車載了一個大木箱入停車場，上面坐了個性感女郎，繼而由Leon打開木箱，展示今次最新設計的舞台。
今次個唱相當特別，租了紅館的期卻不用盡，唱三日休息五日，再開五日，暫定開八場，對於中間停頓而不演出，白白蝕場租，黎明解釋是希望令每一位入場觀眾都感受到假期氣氛，所以單是假期日子演唱，希望大家開心些，平日他相信歌迷不會有空聽個唱，其個唱會不會加場，他表示暫時未知，不過就算加，也一定不會在不是假日的日子。他說：「唏，我地係付出所有誠意，期空咗冇所謂，最緊要觀眾睇得開心。今、明日下午三點演唱會開始售票，我地係擇晒時辰，刦一個咁嘅時間開售門票才好賣。個唱會唔會有嘉賓？唔會，除非不請自來囉。」他又謂今次會主力唱舊歌，因為「歌好似酒咁，年份會令佢變香純，而家釀到剛剛好，所以會唱多凉舊歌。」記者問張生，這樣空置場地豈不很浪費？張生坦言：「係呀，一日場閒閒地十萬，蝕成百幾萬，不過今次係幾間大公司一齊搞，冇所謂，而且今年假期會多人留在香港睇演唱會，風水先生話入場大吉大利，精神爽利。」
|
