[2001-11-12] 白姐姐「切腹」嚇壞男友
白韻琴昨日與謝偉俊一同出席某廚櫃商贊助的「美好家居生活法律講座」，白姐姐的「小燕子」將於日內被馬會拍賣，白姐姐不知是否因此心情欠佳，一到場坐下來，講不到三句說話，就哭了起來。
記者問白姐姐哭什麼，最初她哭著說:「阿Paul鬧我囉。」後來又話：「你哋唔知啦，坐過監好慘，好多後遺症，畀人歧視，畀人迫害，拍賣我心愛嘅嘢，仲不斷有冤魂不息纏住我同阿Paul，我真希望自己人間蒸發，唔想有咁多新聞，你哋唔好畀阿Paul知我喊，唔係佢又唔開心。」記者再三問白姐姐到底發生什麼事，遭何人迫害，她只是不停哭，淚流滿面道：「唔講得劵，講出來會更慘，我心靈不停受到傷害，我的尊嚴削晒，好似一忽一忽肉畀人割咁……。」哭了近半個鐘，經記者及朋友安慰後，白姐姐情緒才平復，進入阿Paul演講會場，不少觀眾都慰問她，坐了一會，大會公關忽然拿出一套刀，說等會會送給入場觀眾，白姐姐竟然拿起刀裝作「切腹」，雖然是調轉刀頭，不過亦令阿Paul十分緊張，馬上奪回刀，並開玩笑打圓場說：「嘩，唔好玩刀呀，男人最怕刀啦，快凉收番埋佢！」十分風趣。
事後記者告訴阿Paul，白姐姐大哭，阿Paul道：「係咩？我冇鬧佢呀。佢冇嘢嘅。」此外，大會準備邀請兩人合拍硬照廣告，認為兩人患難見真情是最佳代言人，阿Paul表示一切由白姐姐話事，白姐姐拍他便奉陪。
|
