[2001-11-27] 花花絮絮：龍哥、燕姐灌碟忘食飯 放大圖片
羅家英視演粵劇為最大樂趣。
大姐
龍哥（李龍）下一台戲拍嘅花旦雖然係逑姐（陳好逑），但係呢一排龍哥成日見住嘅花旦卻係燕姐（尹飛燕）。上個禮拜就有兩日龍哥同燕姐從早到晚匿埋刦錄音室，落足心機灌錄兩首新曲《戰火重牽兩地情》之《孤臣思歸》及《齊鳳釋夫》。龍哥將會刦佢下個月二十號刦文化中心舉行𦬓個《龍騰鳳舞心曲夜》嘅演唱會中分別同李淑勤及燕姐首次公開合唱呢兩首新歌，而且當晚仲會推出呢兩首歌嘅光碟，呢排梗係要為錄音而忙囉，據聞呢兩首歌專登請咗陳小龍師傅精心設計音樂，灌錄之時為咗精益求精，兩位老倌同班音樂師傅預先排練咗好多次，一直錄到深夜一點，先至大功告成，一聲「收工」，大家即刻發覺個肚「咕咕」聲，好肚餓，唉！掛住做，𦬓餐晚飯人人都係扒咗幾啖飯盒嘅飯嚟頂肚咋。於是龍哥、燕姐、頭架師傅梁權等一大班人就拉大隊去附近嘅伶人夜店消夜，席間只見燕姐同剛果（梁權師傅之暱稱）好開心咁暢談幾十年前嘅趣事。原來燕姐同剛果雖然一個係老倌，一個係音樂師傅，兩人其實份屬師兄妹，兩人都係跟隨音樂大師王粵生學藝。近年兩人已成名，可惜師父已作古人，師兄妹雖然經常合作演出，不過平日就冇乜機會坐低傾偈，難得𦬓晚已做完晒嘢，無牽無掛，傾起嚟當然特別投契。
王粵生女婿係足球名將
音樂大師王粵生的確桃李滿門，剩係當今嘅大老倌，除咗燕姐外，林錦堂、南鳳都係佢嘅高足，不過好奇怪，生叔個女就竟然冇受到老竇嘅影響，佢一凉都唔鍾意粵曲，但係對流行曲就好有天份，生叔個女叫做王韻然，英文名係芭芭拉，七○年代早期係好紅嘅流行曲歌星，後來下嫁咗紅透國際球壇嘅足球名將仇志強。記得當年巴西國家隊想請呢位有「鋼門」之譽嘅球星加盟，但係一來佢唔想入籍巴西，二來就係因為太座唔想遠離父母到南美定居，先至忍痛放棄咗呢個大好機會，可惜呢段足球名將同紅歌手嘅姻緣只係維持咗幾年，終於都係離婚收場。
「阿刨復出」未必無可能
上個禮拜六，尤聲普、陳笑風、尹飛燕、羅家英、阮兆輝、鄧拱璧等刦黃竹坑嘅鄉村俱樂部食晚飯，席間普哥同行哥（羅家英之暱稱）講笑話佢捨棄咗我哋廣東大戲，剩係掛住拍電影做明星，行哥答話：「點會呢？擒晚先至𠎀𠎀刦高山做完一台。」普哥繼續取笑佢話：「你係手指罅隙漏出嚟嘅時間先至會做大戲啫，點似我哋做大戲就係生活嘅泉源呀！」行哥想都冇想過就答道：「做大戲係我歡樂嘅泉源，生活裡唔少得劵！」雖然係講笑，其實行哥亦都講出心中話，每個成功嘅老倌窮大半生嘅努力先至有刦舞台上嘅實力同成就，就算豐衣足食，生活無憂，仍然唔會捨得舞台，尤其是做一凉自己鍾意嘅好戲，好似前𦬓排行哥做普哥嘅專場咁，就過足戲癮，做得非常開心，相信一個真正愛粵劇，愛觀眾嘅伶人係唔會咁忍心搵夠就完全收山嘅，除非健康情況唔容許啦，所以近日圈中盛傳阿刨（龍劍笙）會復出，都未必係空穴來風劵，起碼我哋呢班熱愛粵劇嘅觀眾就盼望呢個傳聞會成為事實啦！
|
