[2001-12-13] 方力申上銀幕父母捧場王秀琳競逐新人獎勢弱

　前晚是「電影2002」首映，由於方力申首次上大銀幕，所以他帶同父母一起捧場，弟弟因為考試要溫書，無緣欣賞。其父母看過後，評語是「幾好睇𤥂」。

　今個聖誕節，小方本來準備回母親故鄉北京度假，但小方要出席頒獎禮，另外他又得準備聖誕過後的考試，所以不能與家人一起。小方說：「我老竇問我咁點，我話點？咪撞晒期囉，唔緊要啦，叫佢哋走，我一個人搞掂。其實都係好事，細佬刦到，我哋兩個雞啄唔斷，我讀唔到書，一個人靜靜哋仲好。」

　昨早他與王秀琳（Mango）到大埔參觀飲品製造工場，王秀琳今年競逐新人獎，聲勢始終不及Twins及何韻詩勁，大有陪跑之勢，不過Mango不介意，因為不少獎項有分金銀銅，未必空手而回，而且在樂壇要打長久戰，最重要是將來努力發展。