[2002-01-10] 娛記走場：張柏芝無悔令人敬佩
•小新•
張柏芝為仁濟醫院籌款做女車神，作飛車表演，柏芝的大膽性格媲美男仔，又一次證明如她自己所講的，確是男仔頭一個，她不幸傷腰脊要入院，令到大家都擔心她，其家人及經理人向太的緊張心情更是可以理解，連日來輪流陪伴在側，記者手足亦都一樣「陪住」他們，不過是在病房外守候，柏芝為了確保病情受控自願受綁，心口以下都打石膏，完全唔郁得，只能吃流質，連刷牙都要人幫手。遭遇如此突如其來的傷患，難得她如此堅強沒有喊聲漣漣，還無悔今次飛車善舉！實在令人欽佩。
反而身邊的人或朋友比柏芝更不冷靜，事發後經理人誓言要追究，有藝人批評無線讓女仔做危險動作；鬧無線搞籌款使唔使收買人命；有人還說好多慈善表演都係假嘅，唔明點解柏芝係真飛車。哎！最多人鍾意馬後炮的！
只有當事人最理性，身在醫院臥床的張柏芝沒有怨天尤人，更留意外間新聞點報道此事，發現有偏差說她「後悔飛車」立即出面澄清，絕對值得讚！據柏芝父親鬍鬚勇透露，他受女兒千叮萬囑，要代她澄清「後悔飛車」之說，柏芝覺得做善事冇話後唔後悔，飛車之前都同屋企人商量過，覺得好有挑戰性，而做唔做全屬自己決定，不過，佢估唔到今次受傷，帶俾屋企人咁多麻煩。簡直大方得體，無線日後真的要好好對待呢位深明大義的好女仔，柏芝一句話無悔！他們製作人心裡好過好多啦！
|
