[2002-01-13] 沒拍拖何來分手 陳文媛陳冠希是朋友
【本報訊】（記者 李思穎）陳文媛與陳冠希對於傳出多時的緋聞一直作出否認，而最近的傳聞是指二人已告分手，所以陳文媛形單隻影行街，報道更指陳文媛的神情呆滯。不過二人都異口同聲說他們從來無拍拖，那又何來分手。
陳文媛揚言平日喜歡一個人行街，而且無可能每分鐘也是精神奕奕，用神情呆滯來形容她行街實在不當，覺得寫的人應該多學幾年中文，文化很有問題。她重新解釋：「根本無拍拖，唔知分咩手，故此好低能，(報道指你們兩人分手，是否有甩難的感覺？)無咩甩難，唔會有特別感覺，況且經常都被問到這些話題，我真係唔明，都無拍拖，分咩手，復咩合，你哋(記者)鍾意寫乜就寫乜，我咪得啖笑。」
有說這些報道，大可視為有助見報率的機會，對此，BOBO謂：「真係多得佢唔少，(常被傳媒偷拍，可有覺得受到監視？)覺得好影響我的私人時間，我唔高興，但係又可以點呢？我都控制唔到。」
剛在泰國度假返港的陳冠希，本來去旅行是想避開傳言的煩惱，在四日假期中也過得很開心，可是回港的他，即又被問及有關傳聞的問題，講到他跟陳文媛分手，冠希帶些激動說：「上次我都係孤單去行街，點知又寫我同女FANS一起，又唔寫我孤獨行街，報道係黐線嘅，我平時都自已一個行街，唔通又話係孤獨一人，總之我無同任何人講同BoBo拍拖，佢係我朋友，朋友唔會分手。」
|
