[2002-01-24] 鍾鎮濤教兒自有方 放大圖片
鍾鎮濤和葉童結片緣。
【本報訊】（記者 李慶全）鍾鎮濤昨日客串演出電影《跌打婆與辣妹》，與葉童扮演夫婦。戲中阿B飾演一名江湖大佬，所以要紋身，又戴上金鍊，還有手持手提電話，充滿江湖大佬味道。由於阿B今次是友情客串，所以只是象徵式收取一封大利是。
近期被債務纏身的章小蕙，最新新聞是指她用文件夾追打記者，問到阿B有沒有睇到新聞？阿B坦言有睇過，還笑說：「咁犀利呀，不過冇嘢講，唔關我事。」報道又指事發時，B仔也在場，問到阿B認為事件可會對兒子構成壓力及影響了媽咪在他心目中的形象？阿B猶疑了一陣才答：「點講呢……唔講到，唔知點講。」阿B顯得一臉惆悵及困擾，他也承認惆悵及困擾一定有，但沒必要講，因同大家講了都幫唔到呢件事。他會否找Teresa出來傾冲？阿B搖頭表示不會了，還笑稱難得她都唔講，可以清靜一下。之前有傳阿B與Teresa爭取一對子女的撫養權，記者重提舊事，阿B卻不欲回答。再問他會否以父親的身份去輔導子女？阿B說：「呢件事都唔知點講，個仔已經見過好多嘢。（是否見過好多世面？）阿B笑著答道：「我個身份唔方便講咁多，如果你一言我又一語就好似打波咁，而家係佢同記者啫，冇理由加埋自己落去，我有一套處理細路的方法。」
一對仔女經歷了這麼多事情，他會否將他們送往外國讀書？阿B指將來的事將來至算，他有很多想法，但不需要向大家交待，自己心裏有數。
|
