[2002-05-08] 陳淑蘭承認「單戀」
【本報訊】（記者 譚貽文）陳淑蘭日前出席有線一個訪問時，自爆九一年與黎明登台時，被對方的眼神所吸引，展開了一段情，最後她自知與黎明不配，讓戀情無疾而終。她又大爆當時心中有兩個最愛的男人，就是黎明和前度男友方中信，她對黎明的感情更令方中信醋意大發。一度更引起揣測，她當年是為黎明自殺。
昨日蘭子回電台上班，看到記者便笑稱要帶雨傘出街，說擔心給黎明的fans淋屎，並說自己錄影當日精神不佳，剛從加拿大回港，有時差又有感冒，說過什麼也忘記了。她強調沒有與黎明「戀愛」過，更沒有為對方「自殺」，但承認「單戀」黎明，並且差點到不能抽身的地步。
至於方中信曾大呷黎明乾醋是事實，因為方知道她暗戀黎明的事。蘭子說：「我冇同黎明拍過拖，嘩，癩蛤蟆想食天鵝肉咩？我係豬排，高攀唔起Leon，佢當年係一個超級大偶像，我自動獻身佢都唔會要我啦！而且佢當年是事業搏殺期，同佢一齊都唔會有幸福。」不過她倒做過不少傻事，她說：「我咪同一般歌迷一樣，會收藏佢的照片，偷偷錫佢張相咁囉。又試過留言刦佢個傳呼台：『陳小姐話好鍾意你。』佢咁紅，邊得閒理我，一日唔知收幾多call啦，佢點知邊個陳小姐呀。」
問到蘭子這樣爆料，不怕黎明生氣？她不以為然道：「黎明見慣世面，佢唔會嬲一個歌迷啦！我唔會打電話畀佢解釋，最多都係打電話畀佢助手，以免此地無銀三百襾。」
|
