[2002-06-24] 周海媚也是足球迷

放大圖片

　周海媚疼愛姨甥女（手持氣球者），昨日帶她見世面，與一班小朋友同樂。

　【本報訊】（記者　梁靜儀）周海媚昨日攜同姨甥女出席「世界杯小小球星扮�洃j賽」。原本海味是想帶姨甥女出來見世面，可是當甥女見到成班記者圍著她影相時，即嚇得想哭出來。海味謂家人都是長得比較高大，她的兩個弟弟便有六呎高，所以姨甥女雖然只有兩歲九個月大，但卻要穿著四歲大的衫。

　近期人人都在談論世界杯，海味是個足球迷，為了有時間欣賞各場賽事，她亦刻意在這段時間放假。前晚她便招呼了十多名家人及朋友在家中睇波，還親自煮公仔麵招呼大家，但有時會懶得入廚，索性叫外賣薄餅。幸好她有菲傭幫手執屋，否則睇完波還要執屋都幾辛苦。

　海味是西班牙隊的擁躉，對於西班牙敗給韓國，她亦覺得可惜。至於有人認為球證偏幫韓國隊，海味坦言也覺得有幾場波幾巧合。問到她可有替韓國隊覺得唔抵？海味笑謂冇所謂，自己又冇賭波。

　很多女球迷睇波是為了睇靚仔球星，最為人所熟悉的靚仔有碧咸及奧雲，但海味卻鍾意前意大利隊的迪比亞路及韋里。今屆世界杯誰可稱雄即將揭盅，問海味覺得哪隊球隊最有機會勝出？海味笑言所擁護的球隊全都已被Out出局，所以都冇乜心水球隊。