[2002-08-04] 阿梅「蒲」夜店有戒條 放大圖片
梅艷芳接受訪問，均自備錄音機，以防說話被人扭曲。
【本報訊】(記者 梁靜儀)梅艷芳昨日為好友杜貞貞新店擔任剪綵嘉賓，有不少嘉賓更即場試用店內提供的腳底按摩服務，不過阿梅對於按摩的興趣似乎不大，她謂總之唔可以被人掂身體，一掂就唔OK。
平常心看康仔
近年有不少藝人投資開腳底按摩店，問到阿梅有沒有興趣投資這門生意？阿梅稱這門生意好難做，同一條街有咁多間，自己又唔識打理生意。
蘇永康因服食「搖頭丸」，前日被台灣地檢署判入勒戒所戒毒，為期十四日至一個月。阿梅表示好難真正去了解件事，因自己當時又不在場，但她覺得康仔好勇敢及好負責任，姑勿論康仔是否被人陷害，事件可以話已告一段落。她希望大家可以用平常心對待康仔，以及原諒他，畢竟康仔對樂壇都好有貢獻。
她可覺得康仔的刑期太長嗎？阿梅謂相信康仔不用入一個月，刑期應該可以輕些，始終件事唔係咁嚴重，而類似的事件在外國好普遍，很多藝人都有試過。
無暇「減壓」
阿梅又呼籲藝人去夜店時，離開坐位後千萬不要再飲回同一杯飲品，因為藝人是公眾人物，被人陷害其實很容易，尤其是女藝人，這些都是媽咪自小教她的。
經常有報道藝人服食藥物來減壓，問阿梅如何去紓緩壓力？阿梅笑說:「自己的壓力就係太多工作，所以根本冇時間去減壓，不過都會去飲嘢，自己都有『曳』過，但對人沒影響，事後唯有自我警惕囉。」
自備錄音機
自從當了演藝人協會會長後，阿梅接受訪問時都會拿出一部數碼錄音機。阿梅坦言是因為試過做訪問，錄了十句話卻被人抽出其中兩句來寫，為了保障自己及對方，便自備錄音機。
|
