[2002-10-01] 城城籲珍惜機會
【本報訊】郭富城以一曲《愛情大舞台》打入勁歌季選，有感今季是歷年新人最多的，城城坦言有留意新人，更能數出他們的名字：「Juno、蕭正楠，余文樂，Cookies……我鍾意食曲奇餅嘛！」
作為前輩，阿城寄語新人不要介意被指似其他人，或帶桶金做歌手，只要觀眾接受便行。「負面新聞當磨練啦，唔好咁介懷，歌壇係百花齊放，唯一可惜的是經濟未復甦。不過依家樂壇好多唔同類型歌手，呢個趨勢好似日本咁，出道的年紀愈來愈細，當年鄭秀文出來都只得十幾歲，𦬓時仲同佢同安仔合唱《火熱動感啦啦啦》。另外，好多模特兒入行，比選港姐仲快。依家新人咁多機會，應該好好珍惜。」
對於新人是非多，連唱片公司都互罵，城城說：「可能新人年紀細，人生經驗唔多，公司怕他們講錯嘢啦！其實，以前我都成日得罪人，得罪傳媒，呢樣係要時間磨練。」
「依家新人被指有職業fans？無留意呀，但都唔排除有呢回事，入行咁耐咩都聽過呀，所以都唔會出奇。」對於翻版問題，城城表示：「買翻版梗係唔要得啦！就算上網Down Load都一樣唔好，根本無資格咁做，同時亦侮辱歌手。」
|
