[2002-10-01] 楊恭如清者自清 放大圖片
楊恭如
【本報訊】(記者 梁靜儀)楊恭如與上海富商周正毅的緋聞，傳出至今已有一段時間，之前恭如自認跟周生自細已認識，可惜被男方指她講大話，並稱唔想被人破壞家庭幸福。
前晚周正毅與太太毛玉萍前往拉斯維加斯旅行，問到他與楊恭如的緋聞時，周生即時面黑，至於在旁的周太聽到楊恭如個名時，也即時面色一沉。
昨日楊恭如出席活動時，被問到關於周正毅被問到與她的緋聞面黑一事。有備而來的恭如並沒有抗拒回答，只說:「我冇回應，亦都唔想再講，人哋點諗唔關我事，我好清楚自己做緊乜，我開心咪得囉。」
傳聞指她對周生死纏難打，她會否擔心會影響形象？恭如略為不悅的說:「我唔想答呢凉嘢，這是別人的想法，唔係我嘅想法。」她可會擔心緋聞會影響形象，及疏遠周生？恭如說：「清者自清，時間可以證明一切，費時畀凉亂作新聞嘅人有機可乘。」
說到周正毅與太太去旅行，好像好幸福，她又可會戥周太開心？恭如一句：「都唔關我事。」問她與周生是否仍是朋友及大家仍有沒有聯絡？恭如就以私人事為理由拒絕回答。
自從與周正毅傳出緋聞後，有指恭如忽然富貴，早前她的座駕便被影到停泊在禮頓山樓盤門外，問到她是否已置業？恭如自言唔識投資物業，暫時亦未想過要置業。另外，傳聞恭如「早前去Joyce買了六萬元靚衫，可是碌咭時過唔到數，並即時致電向周正毅求救，可是她最終也沒有買下該批衫。」恭如不滿地說:「呢單嘢無聊到極，我已經冇去Joyce三個幾月，要作嘢都唔好作得咁誇張。」對於負面新聞一個接一個傳出，恭如覺得自己有價值至會被人亂寫。
|
