[2002-10-09] 成龍封嘴避「八卦」 放大圖片
成龍在新片中，演動作另加演歌喉。
【本報訊】（記者 梁靜儀）成龍演出的西片《特務踢死兔》前晚舉行慈善首映禮，以往大哥的戲搞首映例必星光熠熠，但前晚出席的嘉賓只得鄒文懷夫婦、陳自強、楊受成、Twins、鄭雅文(Mandy)、劉思惠(Maggie)、譚筠怡、林燕妮、張鎧潼及荷里活男星Alex Meleod等，而成龍爸爸也從澳洲返港捧兒子場。
他稱睇霆鋒由細到大，至最近入獄，會否趁在港時間去探霆鋒監？雖然不是問緋聞，但大哥依然唔答，還叫記者問第二個問題。
記者問他可知道自己與英皇新人鄭希怡(Yumiko)傳出緋聞？對方更被公司職員私底下稱為「龍嫂」。大哥面帶不悅地對記者說：「第二個問題。」至於鄭希怡為何不來首映禮、以及點解他會送錶給她？這些都是他唔鍾意聽到的問題，他統統不答。
鑑於近年經常有藝人入獄的負面新聞，有議員提議不再用藝人宣傳公民教育活動，問大哥有何意見？他自言很少睇新聞，反問記者：「政府冇咁講呀？好彩我唔係偶像級，我覺得我唔適合講，又唔知乜頭乜路，而家你迫唔到我講嘢。」
有記者直指他的話題好悶，完全唔風趣，沒有吸引力，成龍回答說：「係呀。我呼籲藝人唔好講(八卦新聞)，我自己點會講，唔講咪太太平平。」因為拍戲而要留了長髮的成龍，新髮型惹來劣評，更有記者當眾說他的髮型「肉酸」，可是他卻說在美國十個訪問，十個都叫他留長頭髮，反而返到香港就個個都叫他剪髮，其實他自己都唔鍾意長頭髮。聽到記者這樣批評，他也「順應民意」答應會剪短頭髮。
|
