[2002-12-26] 唔夠十秒 男人又跳落來…… 放大圖片
天水圍情侶墮樓現場。小圖為外牆留下的血跡。
．杜法祖．
「見到個女人飛落街，我即刻用手機打電話報警，正同差人講緊呢單嘢，都唔夠十秒，就聽到上面有人大嗌一聲。我抬高頭望，已見個男人跳緊落嚟，砰一聲跌咗落個女人身邊，仲頭黐頭黐埋一齊……見到心好驚，好唔開心。」
目睹慘劇發生的梁先生，本身亦住現場天頌苑，從事廣告攝影工作。前晚平安夜，他通宵與友消遣慶祝，至昨日上午才乘巴士回家。走到天頌苑對開小巴站時，便碰上男女墮樓事件，當時距離臥屍地點僅六米左右。
看到這樣恐怖的事件發生，梁先生的心情一直未能平伏，但始終擺脫不了職業的本能。他說，加入攝影行以來，平日必帶相機在身，而且留下最後一格菲林，以備隨時遇上突發事件，便可第一時間拍攝到實況。他所指的突發事件不只是死人塌屋，亦可以是趣怪和感性的事。不過，昨日是假期，前晚又通宵達旦，因而未有帶相機，故未能拍攝飛墮慘劇的場面。
梁生坦言說，睇到兩個人跳樓，心裡極不舒服，感到很無奈。但會與友人交談這宗慘劇，以便紓緩不安情緒，他認為自己不需要找專家作心理輔導。
原來他已是第二次目睹別人跳樓，說：「我八歲時，亦親眼睇見人跳樓，當時好愕然，唔開心。今次又見到，會同朋友傾談呢件事。以後朋友如有問題，會同佢溝通，分擔壓力，勸佢唔好諗埋一邊做傻事。」事發後，由於他目擊案發過程，一直留在現場協助警方調查，捱足兩小時眼瞓才返回家。
|
