[2003-01-09] 向太不認「新抱仔」 放大圖片
應釆兒得到向太愛錫。
【本報訊】(記者 梁靜儀)應釆兒前晚與緋聞男友向展平（向華強的兒子）前後腳出席《黑俠2》首映禮，近期釆兒多次與向展平出席公開場合，可是她仍否認正在蜜運當中。向展平的媽咪向太，此時上前挽住釆兒的手，她同樣否認兒子與釆兒拍拖。但據聞釆兒在中國星有個花名叫「新抱仔」，向太謂釆兒的合約規定唔准拍拖，結婚都唔得。在旁的釆兒插嘴笑說：「生仔就得。」向太又向記者透露，兒子的女友詐型，而且兒子還細過釆兒。
雖然向太唔認釆兒是「新抱仔」，但她對釆兒有讚冇彈，指釆兒好乖又唔蒲。言下之意是否指旗下另一個藝人(張柏芝)成日蒲唔乖？向太幫柏芝辯稱只是間中發洩冲。
與霆鋒告一段落之後，最近柏芝自爆與一名圈中靚仔拍拖。向太指住台上的安志杰講笑說：「Andy呀？」向太謂柏芝沒有跟她講感情事，估計柏芝也是在講笑，她說：「就算畀佢拍拖，佢都唔敢拍啦，未開始已經結束都冇癮啦。」應釆兒就唔准拍拖，但張柏芝就可以拍拖，豈不是大細超？向太一時語塞，想了一陣才答：「釆兒簽咗十年合約，簽佢時仲未有人識，所以合約要嚴凉。」
|
