[2003-03-10] 特稿：財案話題 再激怒氣
本報記者 黃錦佳
本年度的財政預算案，備受強烈爭議，雖然各方接受加稅決定，但對政府節流無力則大表不滿；而「風流折墮」論，更進一步激起民憤。
在《城市論壇》上，有中學生應用了耳熟能詳的廣告對白來揶揄政府。他說：「目前財赤又好似廣告咁；『醫生可唔可以唔打針？』醫生會講：『打針快凉好呀！』，所以市民體諒政府加稅；但問題係市民驚打完一支唔得，又要再打第二支；公務員體制咁大，津貼又係咁加，根本與節流背道而馳。現在又好像醫生兒戲咁開退燒藥，如果唔退燒又點算？」
有同學更批評：「市民根本對政府施政沒有信心，唔該高官不要再講『有咁耐風流 有咁耐折墮』的說話，激起民憤。」結果引起全場起哄；連主持香樹輝也加入行列說：「學生唔應該學埋凉咁嘅俗語。」
另外有一名行動不便的與會者，在場內面紅耳赤、語氣激動地直指財政預算案是「垃圾」、「廢紙一堆」，他說：「其他人話（財政預算案）唔合格，我話直情係零雞蛋。」即使旁人多番勸慰，他仍向自由黨主席田北俊怒目而視，大叫：「凉人冇工開，點樣畀稅你啫！你政府自己又帶頭減薪，又帶頭裁員，想經濟好，好難啦！」
看來政府如何撫平市民加稅後的「意難平」心理，必須多費思量了！
|
