[2003-04-20] 張柏芝「禁煙」擺姿勢 放大圖片
張柏芝出席抗炎活動，呼籲大家注意衛生。
【本報訊】經常煙不離手的張柏芝，昨日出席抗炎大行動時，頸上戴上空氣清新機，口上戴的是一個禁煙口罩，港台主持忍不住揶揄她，不如改食煙仔餅。
張柏芝昨日露出性感豹紋內褲邊，讓記者任影唔嬲，又被記者發覺她肚皮下多了兩處像玫瑰花的紋身。
煙民「勸戒煙」
柏芝說，她這口罩是要告訴大家：「我係有食煙，不過依家真係唔好食！或者戒咗佢！或者食少凉。」港台主持人問柏芝，「你少食呀？咁食少幾多支？」張柏芝回話：「我揸住囉，唔點！」此語一出，另一主持丘凱敏即「窒」她：「咁你不如食煙仔餅啦。」柏芝只有尷尷尬尬地以笑回應。
事後記者問柏芝，她會不會戒煙？張柏芝道：「坦白講係唔會，不過煙癮唔大！一日最多都係食五、六支，最高紀錄半包。抽煙最多係捱夜通頂時。至於戴禁煙口罩，並非說我會戒煙，只是希望大家知道抽煙是不健康，對肺部不好。」
防菌「清新器」
談到她頸上的空氣清新器，柏芝說是經朋友從外國為她訂購，她訂了十部給家人，又送了給華哥（劉德華）及李克勤。這部機器朋友指有空氣清新及防菌作用，香港買要千三元，朋友代她訂則八百元有交易。
最近有雜誌報道她與小春於同一條街不同飯店吃飯，她一個人孤獨進食，小春則在另一邊「兠女」。張柏芝謂她並不知道小春跟誰吃飯，這些新聞對她來說已經麻木了，看過只會得啖笑：「只要相片影得我靚，我就會好開心。我都要食飯劵！依家我任影唔嬲。」
身價「冇跌過」
有說張柏芝改變作風與記者合作，甚至「任影唔嬲」，是因為感情事業都處於谷底，不得不合作求翻身。張柏芝聞言哈哈笑道：「記者寫到我好似只有廿蚊身家咁！既然我咁慘，邊個人有義氣借凉錢我用住先囉！我人氣冇下跌！事業冇下跌！身價都冇減過。一直我都好堅持我的酬勞，因為經濟再低，我都係有付出去工作，冇理由減！」
張柏芝表示，她最近是主攻內地市場，於香港少出現，大家才有這個錯覺，以為她人氣下跌，事實她賺的錢跟從前沒有分別。
無謂「樣樣爭」
說到中國星近日力捧應釆兒，有說是因為「向太對柏芝屢教不善」心灰意冷，柏芝謂這也是大家誤會，她跟釆兒是好朋友，跟中國星每一個同事也是好朋友，從不會介意公司捧其他人。「最緊要係做好自己，做好自己就會快樂！不好都唔代表慘，樂觀凉去睇事情。呢個世界一山還有一山高！好多人會紅過我，紅過應釆兒！如果我地樣樣鬥、樣樣爭咪重辛苦！總之我地兩個係好朋友。我同小春都係好朋友。」柏芝說。
|
