[2003-05-08] 娛記走場：「三帝」碰頭有好戲
•小新•
《無間道》令寰亞電影公司名利雙收，乘勝追擊是必然策略，林百欣家族一向熱衷娛樂事業，亞視令林伯蝕錢，老人家仍無悔無恨，對員工很好；愛子林建岳今番勝了漂亮一仗，都算為自己和老父吐氣揚眉，岳少在公布將投資近一億開拍《無間道Ⅱ》及《無間道Ⅲ終極無間》記者會，特別請老父前來開心冲也很有孝心。
九月才開拍的《終極無間》故事講述陳慧琳飾演的心理醫生為警方臥底陳永仁（梁朝偉）翻案，幫他尋回警察身份；欲改邪歸正的劉建明（劉德華）因壓力大要看心理醫生，黎明則飾演警司，三「影帝」在戲中展開一場角力戰。
不過梁朝偉、劉德華及黎明將大鬥演技之前，先與傳媒較量一下「牙較」，「挑撥是非」是部分記者的專長，有記者開口就問華仔，會否在戲中爭戲份？華仔立即面露不悅語帶激動地說：「都未睇劇本，冇計較過戲份；要斤斤計較就唔會有呢部戲!有乜嘢令我哋唔可以和平共處呀？」華仔先發制人，喝停製造「是非」者。
對同一問題，梁朝偉卻輕鬆地回應：「拍戲係享受，好似鍾意打乒乓球咁，二十幾年都冇壓力，我亦唔會畀壓力對手，等氣氛好自然可以投入?發揮專業同潛質，大家都係互相幫忙，一齊投入做好件事嘛！」
新加入拍《無間道》第三集的黎明感到十分興奮：「大家唔會有壓力，又唔係第一日拍戲。」他尚未收到劇本，只知飾演一名警司，是忠是奸亦不清楚。黎明被「質」因人氣下滑才接拍該片，他反問：「黎明依家使唔使咁樣做?應做就會去做。」
三種反應正如好反映出三人的性格：華仔愛恨分明，不平則鳴；偉仔懷柔、凡事睇化；黎明更厲害，自信百針不侵，看來此片戲內戲外都精釆，投資人最開心了。
|
