[2003-05-18] 講戲經 陳冠希操弗 放大圖片
陳冠希平日甚注重「𠍇弗」。
【本報訊】陳冠希前晚也往看《22世紀殺人網絡2決戰未來》首映，近日他正開工拍攝《無間道Ⅱ》，他透露在該片的文戲較多，問到可有動作戲？他指身後的海報表示：「無這部戲咁勁。」隨著《無間道Ⅱ》開拍，他與余文樂再度成為話題，日前阿樂聲稱會「操弗」自己可以與他「揮」過，陳冠希聞言後稱：「唔知『揮』乜？係都係演技，我哋在戲中只碰面幾秒，好少同場演出，唔係任何比賽，大家只係想拍好部戲就開心。」再問到會否考慮「操弗」自己？他直言就算「操弗」都是為了自己，他自言在電影開拍前一個月已開始健身。
陳冠希透露稍後還有三部片約，他面對傳媒都非常合作，然而當問到有關最近有報道指他的爸爸「炒孖展」欠財務公司六百多萬款額一事，他立刻板起面孔稱：「我唔想講，都唔知乜事，我唔識睇報紙。」問他可有就此事問候爸爸？他稱曾致電給父親，爸爸聲稱無事。記者問到可知道爸爸的財政狀況？他聞言後即毫不客氣地稱：「呢些唔係好關你事，我老豆唔係藝人，我講了幾十次，希望尊重冲我，我唔知講幾多次先唔會再問。」他丟下這句話便馬上入場。
|
