[2003-05-23] 梁朝偉不需搬屋
【本報訊】（記者 梁靜儀)近日處於休息階段的梁朝偉，前晚單獨出席總統戲院開幕酒會，並與曾經一起主持過兒童節目《430穿梭機》的周星馳碰面握手；養尊處優的日子令偉仔看來精神飽滿，偉仔表示近日得閑就打乒乓波，而日內就會為《2046》開工。
搬了新屋的偉仔，最近再次被某周刊偷影在家裡的活動，又指他與劉嘉玲同住一屋，但各有各生活。問到偉仔可知道被人偷拍？偉仔無奈地說:「知道都無辦法，梗係講到咁至有人買，唔係阿水買咩？」問到偉仔會否再搬屋？偉仔風趣地說:「我又唔係策劃械劫及搞恐佈活動，唔需要搬屋。」
有指該周刊經常咬住他唔放，已不止一次被偷影相的偉仔，表示唔介意被偷拍，因為介意都冇用，做得這行就要接受沒有私隱。該周刊聲稱影到偉仔經常在屋企拜神，偉仔卻笑指該周刊失策:「刦屋企拜神有乜咁出奇，有咩咁特別，又夜晚梗係食飯，唔通食麵咩？出街梗係著衫啦。」
|
