[2003-08-10] 專訪：無力挽染沙士同袍一命

　日前代表九龍東聯網醫生領取「抗炎勇士紀念襟針」的岑健，是急症室的專科醫生，七年前畢業於香港大學，一直在聯合醫院工作。該院第一位殉職的健康服務助理鄧香美就是在岑醫生的診斷下，被認定為高度懷疑的「沙士」病人。

　岑醫生回想醫治鄧的經過：「我由急症室一路睇住佢，𦬓時我仲同佢講話多數都中（招）……睇住佢由內科病房入ICU（深切治療部）時已經有喘氣，睇住佢好辛苦好辛苦，我同佢講，我話你真係辛苦到頂唔順就出聲，我哋同你插喉……」後來岑醫生知道鄧已回天乏術，唯一做到的只有令她繼續昏迷，免她甦醒過來又要辛苦；「日日係咁睇住佢，但係冇嘢可以做到，𦬓時真係覺得自己好廢柴。」

　三十「出頭」的岑醫生沒有被可怕病毒嚇倒，只想到「如果我唔去邊個去」。她希望自己的挺身而出可鼓勵更多同袍主動加入抗炎行列，不過並非所有人都有「資格」到「沙士」病房；「我哋一定要保護凉大肚婆，仲有凉仔細老婆嫩嘅，我哋都唔會優先要佢哋去。」岑醫生指出，該院絕大部份的醫護人員都是自願走進高危病房。