[2003-10-29] 本地客想要什麼？ 放大圖片
顧客在國美電器旗艦店參觀。 （新華社）
售後服務需完善
■張先生：我覺得最重要的是售後服務，因為本港的不少大型電器店，售後服務做得好差，分體空調安裝好，冷氣不凍，要維修，先要預約電器店先派人來檢查，確認是否壞了，但又不會即場帶走該電器，又要等他們另派維修部的人員來搬走。拖拖拉拉，要搞上許多天。另外，就是價錢，起碼要平兩三成才有吸引力。
質量安全最重要
■區先生：我唔介意用大陸貨，但質量一定要同「來路貨」相當。好多大陸貨，價錢就真係好平，但衰在個款同質量都好差。如果是電器的話，我覺得安全（唔漏電）好重要；其次，價錢當然是一個因素。否則我轉咁多趟車到旺角，容乜易車費都蝕埋。
產品款式要特別
■何先生：我今日經過時都有特登上去睇過，不過，我就覺得佢未必掂。個位置的確係好旺，不過每層樓的面積不大，好易就行完，沒有大賣場那種宏偉的感覺。海運城同時代廣場點解會成功，就係靠大，同時還集娛樂飲食一體，可以讓人消磨一天。國美店還欠缺特色，佢既優勢應該係大陸品牌，款要多，但眼見佢賣既海爾、美的產品款式唔見得特別，我諗我短期內都唔會去第二次。
|
