[2004-02-29] 陳小春演唱會劉德華更搶鏡

放大圖片

時下演唱著重花巧，陳小春揮大旗，以各種扮相登場。

　【本報訊】陳小春一連兩場「陳小春夜生活演唱會」於前晚假紅館開鑼，雖然小春的緋聞女友張柏芝未見出現，但她亦早已拍下錄音片段，祝賀小春個唱成功。

　當晚的演唱會嘉賓包括有:風火海、杜汶澤和劉德華，而華仔的出現，更為當晚演唱會掀起最高潮，觀眾反應最為熱烈。

母親阿嬌也上鏡

　個唱上，小春還大方承認經常到夜總會跳舞，當現場播映他途經大富豪的畫面時，他表示:「我成日都去跳舞，我真係去跳舞，所以亦留下不少腳毛。」繼而他便笑道:「夜晚小春又鹹濕又曳，尋春夜晚去冷街，kiss完女仔就goodbye。」

　小春還將家裡的私人生活片段公開，除了他的睡姿鏡頭外，就連母親阿嬌也入鏡。而演唱會上，則設有一個合唱的環節，小春即場邀請台下一位女觀眾上台合唱，由於當晚他的另一緋聞女友車婉婉亦有到場，於是台下的觀眾便大聲叫婉婉上台跟小春合唱，然而小春就嫌婉婉唱功太勁，所以拒絕跟婉婉合唱，繼而他便邀請台下的另一位女觀眾上台，該位女觀眾表現相當熱情，一見小春，便上前主動地搭小春的膊頭，還大膽地向小春提出索吻的要求，結果卻被小春拒絕。

杜汶澤當眾擦鞋

　杜汶澤則以小春個唱海報的皮褸打扮出場，令觀眾哄動起來，杜汶澤還向小春說出一番肺腑之言。他表示:「點解我同佢咁friend?因為佢係我的幸運星，佢亦係我的偶像，我同佢拍《大丈夫》，佢真係無影衰到我，我差一些便可得到金馬獎。近幾年很多人都話我抄陳小春，我要澄清，我真係抄陳小春，你吹我唔脹。經常影到佢去蒲，又話佢黑面，這個人其實係我，在7記門口打記者的亦都係我，要拉就拉我。還有在泰國推油這個人的確係張柏芝，成日被女撇的失戀王係陳小春，抵佢死。」

曾以為「撬牆腳」

　杜汶澤還說出當年誤會小春「撬牆腳」的秘密，他稱:「當年我�惆�視未紅，與女友鬧交，點知轉頭就見到小春同我個女友飲�洁A我好嬲，我係你（指小春）fans，你竟然溝我條女，我還發誓他朝一日定要好似佢咁紅。」杜汶澤續說：「後來我跟小春合作拍戲，才發覺佢份人原來真係好好，好有愛心，從不講別人半句是非的，我仲發覺原來唔係佢溝我條女，係我條女溝佢，好多人誤會小春為人花弗，其實佢可以好專一，只不過係佢遇到一些不太愛佢的人，我希望佢能夠搵到真正愛佢的人啦!」

　過往曾傳過小春與朱永棠不和，當晚演唱會上，小春便跟阿棠搭膊頭演出，以行動來粉碎不和的傳言。