[2004-03-11] 向太指李連杰只宏揚佛法

放大圖片

向華強夫婦透露李連杰的近況。

　【本報訊】(記者　梁靜儀)去年收入高達1.1億的國際武打巨星李連杰，去年曾經到青海修行，近日更有報道指其在下月二十六日，四十一歲生日當天剃渡出家，潛心修習佛法，從此淡出電影圈。

　與李連杰私交甚篤的向華強太太陳嵐，對於傳出杰仔出家的消息，向太聞言後哈哈大笑說：「今日我同佢通過電話，大家笑到肚痛，佢所謂『出家』只是步出自己家門去你家門而已。(杰仔係咪打算返內地住？)佢係有呢個意思，因為佢在內地有塊地好大，買了很久的地，佢想將二十分之一(約五萬呎)留畀自己，二十分之十九賣給和黃，都起埋樓(指杰仔留給自己塊地)，杰仔的新居有十間客房，佢仲預一間總統套房畀我。」

　問到杰仔是否真的考慮過出家？向太表示杰仔已經做了幾世和尚，今世唔會再做，他只會在再世宏揚佛法，而且杰仔與利智都生了兩個女，細女都快一歲，他怎會捨得丟低妻女呀？這樣對太太及兩個女太唔公平了。據向太透露利智受杰仔的影響亦在三、四年前信佛，信佛後整個人都變得開朗了。

　向太又透露杰仔已舉家手搬返內地居住，有工作才會返去美國。其實杰仔在美國的發展不俗，但向太指杰仔在美國發展一段很長日子，感到在當地生活很悶，而香港亦有許多劇本等他，「安樂」老闆江志強都打算將一個新劇本交給杰仔，並非唔再拍戲。而向太亦不諱言對杰仔有興趣，說到杰仔片酬收美金很貴？向太相當豪氣的表示：「無所謂，有埠就得啦。」杰仔的另一位好友方平曾指杰仔沉迷打牌，還逼他打牌輸掉不少錢。向太替杰仔辯稱:「方平亂講。」至於杰仔將於下周返港。