[2004-05-06] 梅媽憶女兒感觸落淚

放大圖片

　【本報訊】（記者　李思穎）梅艷芳媽媽與其子梅啟明昨日到新城接受薛家燕主持的《家天下》錄音訪問，節目完後梅媽媽、啟明和家燕姐均雙眼通紅，似是有所感觸，家燕姐更預先準備鮮花、燕窩和瑤柱贈予梅媽媽，梅媽媽即客氣說要煲湯給家燕姐飲，兩人更依偎影相。

　其後梅媽媽和啟明接受傳媒訪問，起初啟明顯得極之激動，一度拍檯，說話嗓子很大，由於態度過激，梅媽媽幾度以教訓的口吻著身邊的兒子說話小聲一點。梅媽媽和啟明繼續作出控訴，除了表示阿梅是給人害死不是病死之外，又懸紅60萬，希望找到在泰國落降的真兇，另方面他們將於今日向法院申請加多一個律師做遺產管理的監管人之一。

心痛阿梅入錯行

　問到眼紅紅的梅媽因何事這樣感觸？梅媽謂：「針唔拮到肉就唔知痛，最痛苦是入錯行，畀佢今日咁收場，如果鹹魚白菜便唔使咁短命。」啟明帶怒拍檯說：「阿梅是給人害死，唔係病死，邊個害？慢慢會知，是謀財害命，(有證據嗎？)大把證據，但未拿出來，遲早會知，殺人填命，欠債還錢，天公地道，天會有眼，證據會慢慢現出來的。」

報夢稱被人害？

　梅媽見兒子說話多多，便瞪一瞪他說：「講咁多�炾筍均C」啟明未有罷休，續說：「佢斷氣個晚報夢給我，話畀人害死，入院咁多日無人通知阿媽，張學友、劉德華、阿媽都唔畀見，這個人有無血性，簡直唔係人，立心不良。」梅媽插口叫啟明斯文一點，有機在拍，啟明沒有理會，大聲說：「針唔拮到肉就唔知痛，邊有得冷靜，我們無了親人，佢(梅)得到咁收場，係咪太慷慨，捐了很多錢，你話�═H係咪立心不良，這個不知是什麼世界。」

向法院要求加律師

　梅媽再望望兒子：「你講大聲�╮A仲未夠，個咪未夠響。」啟明依然滔滔不絕：「她過身時，我在熱帶沙漠地方，水都唔多滴，點知個日下了三次雪，當時我在拉斯維加斯，你們可以查一查，佢要我返來，遺產執行人講一套做一套，她臨終和委託所講的是兩回事。」梅媽忍不住說：「咁大間機構，點解容許有這人在那裡工作，開夾萬唔畀睇，清單唔畀睇，我和律師商量過，會向法院要求加多一個律師做遺產管理人的監管，今日便會有代表律師去法院處理。」啟明表示：「我出花紅60萬，搵落降頭的真兇，希望泰國方面可以有人提供關於落降事情，內容絕對保密，一定要搵到真兇，否則阿妹永遠不安寧。」梅媽說：「佢死唔眼閉。」

　此外，聲言會同梅媽上契的Christine Chu，突然又與梅媽反目，聲言要同梅媽當面對質，梅媽重新強調跟對方只見過四次面，亦無意思和對方上契，梅媽說：「全部是她自己所作所為，有什麼對質，(她說入了院)關我咩事嘛，就算佢死都唔係我激死佢。」