[2004-05-06] 明信片上獨欠學友

放大圖片

曾志偉手起錘落，舉行「破冰儀式」。

　【本報訊】（記者　梁靜儀、洪永起）由劉德華及張學友等主演的《江湖》上映一個星期，累積已過千萬票房，當然少不了要慶功一番。電影公司昨晚筵開十席，更以韶興酒代替香檳舉行「破冰儀式」。同時亦有派發《江湖》Postcard，但是左看右看，Postcard上各主角齊備，獨欠了一個「左手哥」張學友。

　問到張學友知不知這件事，開頭他還笑著說：「配角呀嘛，咪無囉。」及後取過Postcard仔細看看，果然沒有自己個樣，也感到愕然，急忙追問有關人員了解情況。原來在印製Postcrad前，學友正傾緊一個網絡宣傳，如果印上佢個樣便與合約會有抵觸，後來雙方傾掂數可以印佢個樣時，Postcard卻早已印好，木已成舟，也無法改變了。

年底重演《雪狼湖》

　既然影片成績咁好，不知道學友對影片有甚麼期望呢？他表示既然志偉誇下海口，說若票房過二千萬便請所有工作人員去日本玩，最好自己一家大細五人都可以去。志偉對此表示無問題，若票房過三千萬，更會請全部人環遊世界。華仔則表示唔使過二千萬票房，一千八百萬他都會請大家過日本玩。

　張學友的舊作《雪狼湖》叫好又叫座，早已聽聞將會載譽重演，問到幾時會重做時，他說：「希望年底可以重演。」那會不會找原女主角林憶蓮再演，他當然希望可以原班人馬演出，始終較有默契。至於母親節點過？學友表示會與妹妹、妹夫等人到媽咪屋企食飯，而自己也已代女兒買康乃馨送畀太太。

阿Sam招式新

　歌神阿Sam重出江湖，不止開演唱會，更在紅館外演唱以慰一眾排隊買飛的Fans及派假銀紙，學友指自己如果要去的話有方法可以入到紅館內。他更大讚阿Sam走出紅館，指他唱唔唱都得，只要出來已經好夠，但阿Sam都有唱，證明真係有心去慰勞班歌迷，呢招好新。

Sammi司機兼翻譯

　而在意大利拍《賊公賊婆》的華仔，也特意趕返來參加慶功會。談到不久前Fans匿埋床底一事，他指自己還驚過個Fans，要求佢出返來。而拍檔Sammi鄭秀文與意籍猛男的緋聞，華仔指都估到傳媒會點寫，但其實那個是Sammi的司機，這次兼作她的翻譯，還教她法文。