[2004-05-15] 鄧麗欣「驚到」失眠

放大圖片

鄧麗欣（左）與Theresa兩「餅女」一起看首映。

　【本報訊】(記者　梁靜儀)驚慄片《失驚無神》前晚舉行首映禮，有份演出的鄧麗欣、Theresa、蕭正楠、李逸朗及吳浩康等都有出席。

　影片去年十月已拍竣，但等了半年才上映，鄧麗欣也很期待睇自己的演出。很多演員拍完驚慄片都會出現精神緊張的情況，她謂去東莞拍攝影片時，由於是在一間大屋內拍攝，試過連續一星期緊張至失眠。

　Theresa表示在東莞拍戲時，與鄧麗欣同入住有個落地玻璃的洗手間，大家肉帛相見，不過因為有蒸氣，所以也不太尷尬，可是鄧麗欣卻踢爆Theresa屁股冇肉，Theresa解釋因為拍戲時跌落樓梯，以致屁股瘀了一片，要鄧麗欣幫她搽藥酒。

　最近鄧麗欣與九巴後人雷德賢傳出緋聞，Stephy被問到可有請對方來睇戲時，她說：「佢好忙，所以冇邀請他來睇戲，上次睇完演唱會後都冇聯絡，大家都唔係太熟。」