[2004-05-27] 財經講場：王維基「大意」釀大手筆

放大圖片

城市電訊主席王維基(右)請來DoDo幫手谷客。

　本港電訊市場靜�髐@排，有「魔童」之稱的城市電訊兼香港寬頻主席王維基，近日再搵來「DoDo姐」鄭裕玲為其「裝電話．送電器」的最新優惠賣廣告，優惠成功引起市場注意。據王維基表示，優惠推出後首兩日，已吸納到1,500名新客，收到的查詢電話更多達萬五個。

DoDo助陣　兩日吸客千五

　「魔童」今次可謂認真大手筆，又送冷氣又送洗衣機，價值最高的禮品市價逾3,000多元。問「魔童」點解，他就解釋話，都係一年前的一時大意之故。「2003年7月28日，我一生人都會記得，係我最大的遺憾。」

　王維基直言，如果唔係當時輕視�鷞q盈推出的新一代固網服務，當時就作出反擊，而家就唔需要咁重手，可能送一部無線電話已經可以。「起碼唔駛搵『DoDo姐』先！」

失之東隅　收之目光遠大

　不過，王維基亦唔認得晒衰，佢話，當時估計固網短訊唔會好多人用，依家亦證明無錯，只係估唔到一部「金銀月閏」(固網所送的固網電話)可以吸引到咁多人。

　不過，既然一部電話都可以吸到咁多客，香港寬頻送電器咁重手，所起到的效果更加不用置疑。魔童話，「DoDo姐」於廣告中有一句對白係「仲要電話，緊係要電器啦！」而呢句對白亦已經錄�鱄窗A不過就仲未播出。

　其實，魔童出手闊綽亦已非今日事，佢自己亦憶述：「92年時，城電IDD一年賺一千萬，如果唔係全部投資返落去賣廣告，都唔會見到有CTI殺價超人！」佢強調，做生意係睇長遠，睇緊的是往後20年的發展，所以佢近一、兩年都會全力投資固網，短期盈利受壓都在所不惜。