[2004-07-24] 想監察 最好做點票代理人
每次選舉都會有投訴；每有投訴，就會有人「要求」外國的組織來「監察」香港的選舉。最近，就有民間團體建議邀請外國組織來「監察」今屆立法會選舉。「我未聽過（有外國組織要求來港監察選舉）；但我同外國嘅組織解釋過：選管會係唯一法定監察香港選舉嘅委員會。」胡官說。
對於香港有民間團體要「監察」今屆立法會選舉，胡官第一句就問：「佢哋可以點樣監察？」他坦言，任何香港市民，都可以在點票期間，到點票站的指定位置，「監察」整個點票過程。他笑說：「如果係想用咁嘅形式監察，我覺得冇問題，你鍾意叫監察好，觀察好，定係參觀都好，都係佢哋畀自己嘅名詞，香港係個自由社會，你鍾意講咩都得。」
他說，另一個「監察」方法，就是得到候選人授權擔任投票或點票監察代理人，屆時他們就可以「名正言順」地近距離「監察」投票及點票過程（當然不能看別人投誰人的票）。
對於外國組織要「監察」，胡官開玩笑稱，他們大可「依樣畫葫蘆」：「如果你哋可以做到候選人嘅點票代理人咪去做囉，如果佢係咁樣，我咪畀你囉！我哋唔會話：你係外籍人士就唔准做，有香港身份證就得啦，其他我就唔理你，收到授權書咪畀你做囉。」
|
