[2004-10-14] 李超人在寶哥哥面前讚小超叻仔 放大圖片
坐在老闆李澤鉅身旁的長實執董吳佳慶手持16號牌，代表長實投地。而長實今次勇奪地王，老父「超人」及世伯寶哥哥都掩不住喜悅心情。
長實李超人同東亞寶哥哥份屬同宗，又同樣擁有兩名乖仔，所以寶哥哥感同身受替李超人高興，掩不住喜悅透露李超人對佢話，前日督師長實奪天光道地皮剗大仔澤鉅「買得好，個仔好叻，買到呢幅地」。
天光道地「買得好」
東亞寶哥哥向來周遊列國兼人面夠廣，而且每次都能於最「熱」時間捕捉到最炙手可熱的話題。好似李超人的旗艦長實前日以高價投得天光道地皮後，三笑等傳媒都紛紛希望能追訪李超人親身評價今次投地成績，而寶哥哥就可以第一時間，相約超人昨日共進午餐，傾傾對今次賣地成績的睇法。
不過，前日賣地中有兩家得主，分別是長實及新地，而新地郭氏兄弟的老二郭炳江又是東亞的董事，與寶哥哥交情一搵都唔淺，相信寶哥哥與郭氏兄弟的一餐飯應該都唔少得。
|
放大圖片
