[2004-10-15] 女賭徒「死」過翻生
【本報訊】(記者 聶曉輝)「賭冲10幾20年麻雀，覺得悶，就去澳門賭錢，初時不斷贏……最終咪又係輸！不過我唔忿氣，問人借又好、『a機』借咭數又好，我就係要搏多鋪！後來輸到連屋企人都唔理我，阿女都叫我不如去死……。」現年50多歲的黃女士沉淪賭海多年，以致欠下巨債，令到家人也捨棄她，她更萌死念，幸自殺不遂，後經明愛展晴中心輔導後，已重獲親情過正常人的生活。
15%賭徒有自殺念頭
明愛展晴中心與中文大學心理學學系過去一年，訪問了352名首次接受該中心輔導的問題賭徒，當中26%更被評「嚴重病態賭徙」，發現73%經常出現情勢困擾的問題，15%更曾出現自殺念頭。調查又顯示，受訪者平均欠債20至30萬元，逾80%亦曾為與賭博有關的開支而與家人爭執。
中大心理學系教授鄧素琴指出，香港出現問題賭徒的情況比外國嚴重，但許多人卻認為是「小賭怡情」，不過有些人卻因此逐步沉迷賭博。她希望當局可加強公民教育及增撥資源協助問題賭徒以致對其家人的支援。
接受展晴軒輔導的黃女士說：「我賭冲十多廿年，最先只是打麻雀，後來過去澳門賭場，第一次就贏了千多二千元，第二次都是，�蔭犰b想：『原來澳門咁好，一陣間就有幾千蚊』……賭賭下終於輸冲幾千蚊，但都唔覺得係咩一回事。」
先贏二千 終輸百萬
「有日在澳門輸冲兩萬，我就再以1.5%利息借三萬搏多鋪，結果輸晒，唯有求家人同朋友借錢，但係都唔夠，仲要畀先生同仔女鬧。」黃女士這時開始用信用卡借錢，結果也是一個字—「輸」，累積欠債逾100萬，最終換來慘痛的經歷：「�蔭仵a人話唔會再幫我，仲搬埋出去住，得番我一個，阿女仲話：『幫我就唔會幫，一係你死冲佢啦！』。」今年元旦，黃女士趁家人不在時燒炭自殺，幸被兒子救回。終於她開始接受展晴中心的輔導。
經過該中心的輔導，黃太找到一份清潔工，每月還4000多元，預計至明年將會還清。「唔賭，搵錢係自己匯；賭贏，搵錢不是自己的。就算贏好多，始終都會輸晒，畀番人㳜，好似深淵唔知幾時到底。」現時沒有參與任何賭博的她覺得「心安理得」，並語重深長地說：「依家無咁多負擔，成個人輕鬆晒！」
|
