[2004-10-21] 街訪：冀多設小巴落客區

實習記者　朱樂汶、記者　鄧愷欣

　做了廿多年小巴司機的羅先生：「入行至現在，睇著個油價升�鰲X倍，加上現在香港的交通四通八達，小巴的生存空間已經越來越小，其實柴油加價延期一年對我無幫助，就算政府加價，都要繼續入油開工，唔使開飯咩？最好政府作出改善，例如設置多些落客區，乘客方便些，自然多人選搭小巴喇，生意好的話，柴油加價都算囉！唔係可以點呀！」

「加價永遠快過減」

　貨車司機兼小巴司機的陳先生：「油價升、減都唔合比例喇！加價永遠都快過減，況且亦唔覺得政府有大幅度減過油價！我要開小巴又要「養貨車」，開支真係好大，以前可能每日賺1000元，但現在只有300元，少幾成生意。至於延期根本就無用，如果一年後再加價的話，我一怒之下賣�鰿[車囉！開支咁大點頂得順呀！但係賣�鰿[車，香港的公共交通費用又貴，都唔知點算好！」

延期並無實際幫助

　的士司機鍾先生：「其實大部分的士都轉�鬙峊菄o氣，不過以前用柴油時，油錢都佔3-4%成本，數年間油價由$3.2升至約$7，加幅太大喇！其實每入一次油正常最多只可以用到3更，約兩日路程，扣除成本，收入好微薄，再唔減油價的話，就算延期都無實際幫助，延得一時唔延得一世！」