[2004-10-22] 特稿：蘇姑娘令金毛青年醒悟 放大圖片
回憶蘇姑娘時，偉業強忍多時的淚水忍不住奪眶而出。
本報記者 聶曉輝
「以前我只係一個染金毛、上中心搗亂、用粗口問候Miss的人，係佢令我對社工、社會，以致對人的工作產生興趣！」現時在循道會當義工的偉業5年多前結識了中心社工蘇潤美。偉業說，令他從一個不良青年作180度轉變的，正是在他心目中地位好比媽媽的蘇潤美。
蘇姑娘有如母親
「我仲記得果一日，我好唔開心，佢雖然要開工，但都抽時間安慰我，仲叫我試下做義工，同56人一齊分擔憂愁！」偉業表示，他第一次義工經歷是在旅遊巴上帶領乘客玩遊戲，而「蘇姑娘」以親切的口吻對他說：「阿媽想聽『Shall we talk』呀！」
偉業回憶起第一次做義工的經歷，覺得很無聊，之後更刻意迴避再到中心，亦以為「蘇姑娘」再不會記起他，但蘇卻對他不離不棄，特地翻查會員紀錄，致電他的手機說：「阿仔，你做乜呀？呢排唔上嚟嘅？」更在當晚專程從屯門出九龍與偉業傾談。「我心在想：『乜有人咁犯賤蕂？』佢真係好似我呀媽咁，佢俾我睇出佢真係關心我。」偉業又指，曾試過深夜兩點致電「蘇姑娘」，對方沒有接電話，但竟在15分鐘收到後回覆，對方非但沒有責怪被他吵醒，更與他談了幾小時。
緊記教誨面對問題
「佢幫我徹底洗腦……仲同我講：『你要人幫你，首先要幫人；要明白人諗乜，先要俾人明白你諗乜；就算係錯都好，都要錯過先知做錯！』。從她的教誨中，我真正領略到與其用咁多時間逃避問題，不如真正面對問題仲好。」偉業表示，對蘇潤美的回憶，5個小時也說不完，但最記得蘇在他某年生日時贈的8個字：「年青不再、珍惜光陰。」「醒晒啦！」偉業說著這句記話時，強忍多時的淚水已忍不住奪眶而出……
|
放大圖片
