[2004-11-02] 飛哥：我蔑視「民主派」大佬 放大圖片
城大回顧香港過去二十年管治研討會，學生、學者齊論政。 （張立新 攝）
李鵬飛：
■人民選你出來，係要你發揮政治領導作用。既然07/08年不可能，你便要向選民解釋清楚，不要盲目爭取。人大決定就已經成為法律，這又係政治現實，你唔好再發白日夢，要帶市民接受現實。
■我蔑視呢班大佬（民主派大佬），電梯度起山頭，多鬼餘，呃晒香港的選票。
■佢㳜以為50萬人上街，可以逼政府擱置23條立法，畀勝利衝昏頭腦，以為今次講07/08年，仲可以有轉機，咁係唔識政治……
■你冇可能改變中央既定的政策。你仲花咁多時間，嗌咁多口號，用咁多Banner，咁係要全香港市民同你一齊發白日夢，呢搵領導完全缺乏政治智慧。
邵善波：
■政治係要妥協，「民主派」唔識妥協，佢㳜要做最後「革命者」。長毛，我都好同情佢，佢最後都要妥協，雖然係前後加冲幾句，但都讀晒成個誓詞，話擁護《基本法》啦！但「民主派」唔識妥協，所以2012無望。
■要快搵直選，要解開中央同「民主派」的死結，但「民主派」搞乜啊？搞公投，一次伏擊唔成，仲要搞第二次，係要刺激中央，心態係「你話唔可以咩，我就偏要做」，係要同中央對著幹……
■佢㳜話一個不能少，唔好理中央點解請少一、兩個人，應該有幾多就做幾多，中央自9.12後都做了唔少工夫，例如國慶團、大律師公會訪京團咁……你成日同中央講價，只係搞破壞。
■飛哥話佢㳜冇政治智慧，我話佢㳜連政治勇氣都冇，唔敢承認政治現實……大家只係電梯度鬥「純正」，鬥邊個反得中央最勁，而唔係諗係點樣可以快搵實現普選，係有破壞冇建設……中央同佢㳜關係仍然咁緊張，咁點搞普選？……佢㳜以為利用民意向中央施壓，但中央係你愈壓佢愈唔鍾意，你愈係咁搞，愈唔掂。
|
放大圖片
