[2004-11-09] 芝芝原來係慳家女 放大圖片
芝芝與父親趙世曾於域多利道的家趙苑「樂居」。
卓能地產主席趙世曾個乖乖女趙式芝開始接棒，近期為集團的山頂同西區域多利道的豪宅項目頻頻亮相，口尋日佢同爹�_趙世曾係域多利道200號的趙苑「樂居」自己屋企搞記者會，又成為主角，皆因其正招標的趙苑A1洋房正在屋企旁邊。
Motorola V3等跌價才買
講到佢自己間屋企，趙世曾話30年前興建的時候，主要是看中其可建偌大的花園。不過，由於趙世曾是讀建築出身，聽芝芝話，由於爹瓊鍾意玩設計，年年都花數百萬元裝修間屋，好似個泳池都符合奧運會標準咁大，所以自己間屋究竟有幾大，連芝芝都話唔知。
唔好以為富豪後代含住金鑰匙長大，就會好揮霍，芝芝話自己好鍾意部Motorola 最新型號V3，皆因其按鈕面靚，又輕。不過，市價要5,300多元，芝芝話都好貴，一於等部手機跌價時才會買。
公幹經皇崗坐黃巴過關
香港地產商北望神州已經是大勢所趨，卓能都唔例外，芝芝話，剗家自已都要兩地跑，仲要經皇崗坐黃巴士過關，覺得十分方便，不過，1個月前由於佢由深圳返港過關後不久，便失掉回鄉卡，回港再辦急件，花了500元，芝芝話都好肉赤。然而，最令她感到驚訝的是她於卓能深圳的辦事處進行面試時，被佢面試的內地人竟然連佢搵身世都知道，令她大吃一驚。
體會地產代理搵食艱難
芝芝仲話，自己同富豪酒店的太子女羅寶文原來係中學同學，仲話對方是個傳奇人物，皆因寶文於16歲便入到大學。
芝芝仲好識英雄重英雄，早前於大潭玩滑水後，便順道𡑔車到富豪海灣參觀示範單位，實行捧捧自己同學的場。芝芝仲話，之前港島薄扶林貝沙灣開盤時，她只是𡑔車經過，並非睇樓，已經被在場的地產代理在路旁奔跑出來撲向其車，芝芝笑言，如今終於明白何為「搵食艱難」!
|
放大圖片
